2021-jıl 24-oktyabr Ózbekstan Respublikası Prezidenti saylawı kúni múnásibeti menen Shomanay rayonındaǵı barlıq saylaw uchastkalarında, saylaw kodeksine muwapıq azanǵı saat 8:00de Ózbekstan hám Qaraqalpaqstan Respublikaları mámleketlik gimnleri menen saltanatlı túrde ashıldı hám saylaw tártibine kóre saylawshılar aldında urnalar plombalanıp, aktlestirilip, saylaw processi baslandı.

Shomanay rayonı xalqı menen birgelikte rayon hákimi B.Yangibaev «Mádeniyat» mákan puqaralar jıyını aymaǵındaǵı 599-sanlı saylaw uchastkasınan dizimnen ótip, keleshegimiz ushın múnásip dep tabılǵan talabanǵa dawıs berdi.

Prezident saylawı dawamında saylaw nızamshılıǵına kóre mayıplıǵı bar, stocianar hám ambulatorlıq emlenip atırǵan puqaralardıń dawıs beriwi kóshpeli urna arqalı ámelge asırıladı. Sol sebepten Shomanay rayonında stocianar hám ambulatorlıq emlenip atırǵan puqaralar mámleketimiz keleshegi ushın dawıs berdi.

Sonday-aq birinshi saylawshı jaslarda saylawda belsene qatnasıp, ózleriniń konstituciyalıq huqıqınan paydalanıp ózleri múnásip dep tapqan talabanǵa dawıs bermekte.

Shomanay rayonı hákimligi málimleme xızmeti