Shomanay rayonı Ayrıqsha jaǵdaylar bólimi hám rayondaǵi AJMT quramına kiriwshi xızmetler qatnasında Qaraqalpaqstan Respublikası Ministirler Keńesiniń 2021-jıl 30-aprelь kúngi 103-B-sanli biyligine tiykar házirgi waqıtta hawa rayınıń suwıq bolıwına baylanıslı puqaralar turaq jaylarında iyis gazinen saqlanıw, órt qáwipsizligin támiynlew boyınsha kѳrgizbeli ilaj bolıp ótti.

Ilaj dawamında rayonlıq órtke qarsı gúresiw jámiyeti xızmetkerleri menen birgelikte puqaralar turaq jaylarında ısıtqısh qazanınıń morılarınıń  jaǵıw máwsimi aldınan saz jaǵdayǵa keltiriw maqsetinde tekseriwden ótkerip, morıları jámiyet xızmetkerleriniń arnawlı texnikaları járdeminde tazalanıp berildi. Sonday-aq aldımızda bolıp ótetuǵın saylaw tadbirinde hár qanday kewilsiz jaǵdaylardıń aldın alıw, órt qáwipsizligin bekkemlew maqsetinde rayondaǵı Medicina birlespesi imaratında hár qanday kewilsiz jaǵdaylardıń aldın alıw maqsetinde 15 koyka ajıratılǵan bolıp, onıń jaǵdayları úyrenip ilajǵa tayarlıq jumısları tekserildi.

Shomanay rayonı hákimligi málimleme xızmeti.