Májbúriy orınlaw byurosı Shomanay rayonı bólimi is júritiwindegi puqaralıq isleri boyınsha Qońırat rayonlararalıq sudınıń 21.12.2017 hám 02.11.2020-jılǵı orınlaw xatlarına tiykar qarızdar G.G. den óndiriwshi N.S. paydasına tárbiyasındaǵı bir perzentiniń támiynatı ushın ¼ muǵdarda, al qarızdar M.A. den óndiriwshi D.M paydasına tárbiyasındaǵı úsh perzentiniń támiynatı ushın ½ muǵdarında aliment óndiriliwi belgilengen.

Bul orınlaw hújjetleri rayon bólim is júritiwine kelip túsken kúnnen orınlaw isi qozǵatılıp, qarızdarlar tanıstırıldı hám de qayta-qayta eskertiw berilgenligine qaramastan, usı jıldıń oktyabrь ayına shekem qarızdar ákeler tárepinen birde-bir swm aliment pulı tólenbegen.

Aqıbette, oktyabrь ayına aliment qarızdarlıǵı G.G. 15 mln. sumǵa, al qarızdar M.A. bolsa 7,4 mln. swmnan asıp ketken. Usı sebepli Byuronıń rayon bólimi tárepinen Ózbekstan Respublikası Hákimshilik juwapkershilik haqqındaǵı kodeksi 474-statьyası

1-bólimi menen bayannama dúzilgen halda toplanǵan is hújjetler rayon sudına ótkerilgen. Nátiyjede jınayat isleri boyınsha Shomanay rayonı sudı tárepinen qarızdar M.A. hám G.G. larǵa 15 sutka hákimshilik qamaq jazası qollanılıwı támiyinlendi.

Shomanay rayonı hákimligi málimleme xızmeti