Жаслар Форумы даўамында Қарақалпақстан Республикасының қуўнақ ҳәм зийрек жасларын жәмлестирген «Ҳәзил майданы» лигасының Шоманай районлық финал басқышы өткерилди.

Финал басқышында Өзбекстан Мәмлекетлик мәденият ҳәм көркем-өнер институты Нөкис филиалынан “Асығыс”, “Жас Пегас”, “Миллиард” командалары, Шоманай районы 1-санлы мектептиң “Арал” командасы, 4-санлы мектептиң “Жаслар” командасы ҳәмде 15-санлы мектептиң “Ташкент” командалары өз-ара беллести. «Ҳәзил майданы» лигасына усы күнге шекем Нөкис қаласы, Қоңырат, Қәнликөл, Хожели ҳәм Шоманай районларынан жәми 20 дан артық командалар өз-ара беллесип келген еди. Ҳәзилге бай саҳналық көринислер, кеўил ашар қосықлар ҳәм қызықлы ўақыяларға бай болған финал жуўмағында Шоманай районы 4-санлы мектептиң “Жаслар” командасы 1-орынды, Өзбекстан Мәмлекетлик мәденият ҳәм көркем-өнер институты Нөкис филиалының “Миллиард” командасы 2-орынды ҳәмде 15-санлы мектептиң “Ташкент” командасы 3-орынды ийеледи. Таңлаўдың финал басқышына қатнасқан хәр бир команда шөлкемлестириўшилер тәрепинен мүнәсип сыйлықланды.

Шоманай районы ҳәкимлиги мәлимлеме хызмети