• 

Кексайиш жараёни мураккаб, лекин уни бошқариш, унга таъсир ўтказиб умрни узайтириш ва қариликни олдини олиш мумкин. Кексайиш жараёнига дори -дармонлардан ташқари овқатнинг шифобахш хусусиятлари билан таъсир ўтказиш ҳамда соғлом овқатланишига эътибор бериш муҳим.⠀Соғлом овқатланиш – инсон ҳаёти ва саломатлигининг асоси, узоқ умр кўриш, касалликларни олдини олиш ҳамда меҳнат қилиш қобилиятини белгиловчи омилдир.

⠀

Кексалар овқатланишида қуйидагиларга эътибор бериш керак:

• сифатига, яъни янги пиширилган овқатни истеъмол қилиш;

• миқдорига, кўп овкат ейишдан тийилиш;

• овқатни истеъмол қилиш тартиби, тез – тез ва кам миқдорда овқатланиш;

• овқат  таркибига, ёғсиз сут ва сут маҳсулотлари, балиқ, ёғсиз гўшт, кўп миқдорда мева ва сабзавотлар, ёрмаларни истеъмол қилиш.

⠀

Тавсиялар:

• кунлик сув миқдори 1,5 – 2,0 лни ташкил этиши;

• овқатни секин, шошилмасдан, яхшилаб чайнаб, ютиш;

• тузни кам миқдорда истеъмол килиш, тузнинг бир кунлик меъёрий миқдори 5грамм (1 чой кошиқ) дан ошмаслиги керак;

• чойни табиий шарбатлар ва ичимлик суви билан алмаштириш ёки овқатлар истеъмол қилиш оралиғида ичиш;

• нон, ун маҳсулотлари, ёрмалар, картошкани ҳар куни истеъмол қилиш;

• Хар куни янги сабзавот ва мевалар (камида 400 грамм) истеъмол қилиш мақсадга мувофиқ.

⠀

Кексалар томонидан оқилона ташкил этилган турмуш тарзи, яъни кун тартиби, шахсий гигиена қоидаларига амал қилиш, тўғри овқатланиш, жисмоний фаоллик узоқ умр кўришга замин яратади.

⠀

Кексалар тўғри овқатланиши

қариш жараёнини секинлаштиради.

Шуманай тумани Санитария-эпидемиология асойишталик маркази