Сессияға Ѳзбекстан Республикасы Олий Мажлиси Сенатының ағзасы, Қарақалпақстан Республикасы Жоқарғы Кеңгесине 45-Шоманай-сайлаў округинен депутат Жалменов Улықбек Абыллаевич,  Ѳзбекстан Республикасы Президентиниң Шоманай районындағы Халық қабыллаўханасы баслығы И.Абдирахманов, Халық депутатлары районлық Кеңеси баслығы Б..Янгибаев, сектор баслықлары ҳәм ғалаба хабар қураллары ўәкиллери қатнасты.

Сессияда тѳмендеги мәселелер додаланып тастыйықланды:

1. Ѳзбекстан Республикасы Президенти Ш.М.Мирзиёевтың 2020-жыл 29-декабрь күни Олий Мажлиске жоллаған Мүрәжатнамасы мазмун-мәнисин үгит-нәсият етиў ҳәмде белгилеп берилген аҳмийетли ўазыйпалардан келип шығып район дәстурин таярлаў ҳаққында.

2. Шоманай районы секторлар баслықлары ҳәм аймақтағы кәрхана ҳәм шѳлкемлер баслықларының жумысы, халық мүрәжатлери ҳәм машқалалары менен ислеў жағдайы бойынша Ѳзбекстан Республикасы Президентиниң Шоманай районындағы Халық қабыллаўханасы тәрепинен 2020-жыл жуўмағы бойынша баянаты ҳаққында.

3. Халық депутатлары Шоманай районы Кеңеси секретариатын шѳлкемлестириў ҳаққында.

4. Халық депутатлары Шоманай районы Кеңеси секретариат баслығын сайлаў ҳаққында.

5. Мәмлекетлик тилде ис жүргизиўди нәтийжели шѳлкемлестириў ис-илажлары ҳаққында.