Шоманай районы аўыл ҳәм мәкән пуқаралар жыйынларында  10-ноябрьден 22-ноябрь аралығында «Жаңа Өзбекстан –жаңаша дуньяқарас»  сүрени астында руўхый-ағартыўшылық ҳам мәдений илажлар өткерилди. Бунда мәмлекетимизде әмлеге асырылып атырған реформалар, үлкен өзгерислер, Президентимиз тәрепинен қабыл етилип атырған Қарар ҳәм Пәрманлар, жаратылып атырған имкәниятлар ҳаққында үгит-нәсият топары дүзилип түсиник жумысларын алып барды. Сондай-ақ пандемия дәўиринде үйинде отырып қалған халықтың кеўилин көтериў мақсетинде Мәденият хызметкерлери концерт бағдарламаларын инәм етип халық арасына кирип олар менен сәўбетлесиўлер өткерилди.

Илажде Ташкент мәмлекетлик экономика университети ректоры Қ.Шарипов, Ташкент мәмлекетлик аграр униыерситети доценти,Туран пәнлер академиясы академиги Г.Абдалова, Нөкис мәмлекетлик педагогикалық институты доценти Р.Қуттымуратова, Қарақалпақ мәмлекетлик университети оқытыўшысы Г.Турманова, Қарақалпақ халық бақсысы З.Шерипова, Қарақалпақстан Республикасына хызмет көрсеткен артист Р.Атаджанов, Миллий хәм эстрада қосықшысы Г.Сайтовалар белсене қатнасты. Илаж көтериңки руўхта жуўмақланды.

Шоманай районы ҳәкимлиги мәлимлеме хызмети.

Телеграмм каналға ағза болыў @shomanay_rayon