Усы жылдың 4-ноябрь сәнесинде Футбол бойынша Қарақалпақстан Кубогына старт берилди. Бунда Шоманай районының «Мамый» командасы Қоңырат районының «Елабат» командасы менен Шерекфиналға жоллама алыў ушын өз-ара ушырасты.

Ушырасыў Қанлыкөл районы «Жайҳун» стадионында болып өтти. Ойынның 15 минутында «Мамый» командасы 21-санлы ойыншысы Кабулов Қуўандық қарсылас команда дәрўазасына топ киритип есапты ашып берди. Ойынның 20 минутында 11-санлы ойыншы Шарибаев Мәдияр екинши топты кириткен болса, 35 ҳәм 39 минутларда «Елабат» командасы ойыншылары «Мамый» командасы дәрўазасына еки топ киритип есапты теңлестирди.

Ықласбентлердиң қызығыўын асырған бул ойынның 42 минутында «Мамый» командасына 11 метрли жәрийма тобы белгиленип, топ батпастай қолқабы бар «Мамый» командасы дәрўазабаны Жақсыликов Нурлан күшли соққы менен тебилген топты қайтарыўға еристи.

Ойынның екинши бөлиминиң 58-минутында «Мамый» командасының 21-санлы ойыншысы Қабулов Қуўандық, 70-минутта 10-санлы ойыншы Дәрьябаев Шухрат қарсылас команда дәрўазасына гол урды. 85-минутта «Елабат» командасы ойыншысы «Мамый» дәрўазасына гол урған болса,  88-минутта және Қабулов Қуўандық ақырғы топты киритип ойынды жуўмақлап берди.

Ойын 5:3 есабында «Мамый» командасы пайдасына шешилди. Шоманай районы ҳәкимлиги спортшыларымызды қутлықлайды

Телеграмм каналымызға ағза болыў @shomanay_rayon