Ҳаял  муқаддес, сабырлы, батыр ҳәмде сулыўлық тымсалы. Ҳаялларды улығлаў, ҳүрмет етиў бизге тән қәсийет. 8-март Халықаралық Ҳаял-қызлар байрамының енгизилиўи буған мысал бола алады.

Мәмлекетимизде Ҳаял-қызларға берилип атырған имкәниятлар, Президентимиз тәрепинен мәмлекетлик сыйлықлардың енгизилиўи Ҳаял-қызларға деген ҳүрмет ҳәм иззет есапланады. Усы жылы 7-март күни Шоманай районы ҳәкими Б.Янгибаев «Қарабайлы» мәкән пуқаралар жыйыны аймағында жасаўшы 1920-жыл туўылған  Артикова Наргүл апа ҳәм 1929-жылы туўылған Турдишева Дәрбийке апа,  «Мамый» аўыл пуқаралар жыйыны аймағында жасаўшы  1924-жыл туўылған Инятова Улбосын апалардың ҳалынан хабар алып, оларды байрам менен қутлықлады. ϴмирлик тәжирийбеге ийе анаханларымыз бенен сәўбетлесип, байрам мүнәсийбети менен саўғалар берди.

Шоманай районы ҳәкимлиги мәлимлеме хызмети.