Өзбекстан Республикасы Президенти Ш.М.Мирзиёев басшылығында    2019-жыл 19-мартта өткерилген “Жаслар менен ислесиўди үнемли шөлкемлестириўде мәденият, көркем-өнер, спорт, хабар технологиялары, китап оқыўға қызығыўын асырыў” бойынша 5 әҳмийетли басламаны кең түрде үгит-нәсиятлаў, халық, хабардарлығын асырыў бойынша видео мәжлисиндеги белгиленген ўазыйпаларды орынлаў  мақсетинде улыўма билим бериў мектеплеринде үгит-нәсият тәдбирлери шөлкемлестирилмекте.

Атап айтқанда 16-санлы мектепте жаслар арасында кестешилик, суўретлеў ѳнери ҳәм заманагѳй технологиялардан пайдаланып компютерде суўрет салыў бойынша, 19-санлы мектепте Миллий кийимлер кѳргизбеси ҳәм китап қумарлықты раўажландырыў бойынша “Билимданлар аренасы” таңлаўы, 14-мектепте миллий аяқ ойын ҳәм қосық айтыў таңлаўы, 13-мектепте спорттың стол теннис ҳәм футбол түринен таңлаўлар болып ѳтти. Жаслардың бос ўақытын мазмунлы шѳлкемлестириў бойынша “Бес баслама-бес имкәният” атамасындағы фестиваль  даўам етпекте.