Мәҳәллелерде руўхый-ағартыўшылық тадбирлерин системалы шѳлкемлестириў бойынша жәмийетлик шѳлкемлердиң 2019-жыл октябрь-декабрь айларына мѳлшерленген шериклик дәстүрин тастыйықлаў бойынша ушрасыў болып ѳтти.

Ушрасыўға Пуқаралардын ѳзин-ѳзи басқарыў органлары жумысларын муўапықластырыў бойынша Шоманай районы Кеңеси баслығының биринши орынбасары Н.Жадигеров, Шоманай районы «Ҳаял-қызлар камитети» баслығы Д.Ибадуллаева, Шоманай районы Руўхый-ағартыўшылық орайы баслығы И.Алланиязов, Жаслар аўқамы Шоманай районлық Кеңеси баслығы М.Нарбаев, Шоманай районы «Нураный фонды» баслығы Х.Жарылқасынов ҳәм «Шаңарақ» илимий-әмелий иззертлеў орайы Шоманай районы бѳлими баслығы Б.Қуденовалар қатнасты.

Белгиленген шериклик дәстүрде Шаңарақларда руўхый-ағартыўшылықты қәлиплестириў, сырт ел мәдениятынан кирип келип атырған жаман иллетлерден мәҳәлледеги жасларды қорғаў, той мерекелерди ықшамластырыў, Нуранийларға ҳүрмет кѳрсетиў, Мәҳәллелерде абаданластырыў жумысларын алып барыў киби мәселелер кѳрип шығылды.