Шоманай районы халқы ертеден мийнет сүйгиш халық есапланады. Районда  193 фермер хожалығы пахта шигитин егип, бүгинги күнге шекем күнди күн демей, түнди түн демей мийнет етип миллий байлығымыз болған ақ алтынды терип келмекте. Қалаберсе Шоманай районы ҳәкими ҳәм сектор басшылары менен биргеликте мекеме ҳәм кәрхана басшылары районымыз қырманына өз үлесин қосыў ушын пахта теримине қатнасып барды.

2019-жылда Шоманай районында 4973 гектар жерге шигит егилип, 10 мын  10 тонна пахтаны жеткерип бериў режелестирилген еди. Мийнет түби рәҳәт дегениндей   8-ноябрь күни Шоманай районы белгиленген режени 100 пайызға орынлады. Қырманыңыз таса берсин жерлеслер.

Алғыс алып пахтакешлер көплерден,

Ақ алтынды мәнзилине жеткерген

Қутлы болсын табысларың Шоманай

Шәртнаманы 100 пайызға жеткерген.